Os desafíos de Galicia nun mundo complexo e globalizado constitúen o eixo de reflexión de Emilio Pérez Touriño en A Galicia emprendedora. Os retos do noso tempo: a sociedade da información e do coñecemento, a nova economía nun mundo globalizado, os perigos das novas desigualdades e fracturas sociais, os riscos de perder o tren do futuro.
Emilio Pérez Touriño, cunha reflexión a medio camiño entre o ensaio e a proposta programática, na que se insiren as súas facetas de político e profesor universitario, analiza as claves que permitirán converter os cambios tecnolóxicos, económicos e culturais en factores de progreso, de maior igualdade e equilibrio territorial.
A Galicia emprendedora é un intento de pensar Galicia desde os galegos do século XXI. Unha Galicia de futuro, nova e aberta, celosa da súa identidade e, ó mesmo tempo, europea e pioneira na innovación. A Galicia emprendedora.
