A vida de Juan e de Concha cambiou a noite do 2 de agosto do 2005. Aquela mañá, Juan que marchara a durmir feliz, xa que comezaba as vacacións ao día seguinte acordou convulsionando. Fora para a cama sendo un home autosuficiente e, dende ese momento e para sempre, pasou a ser unha persoa dependente.
Este libro recolle o relato da vida de Juan e de Concha (e do resto da súa familia) durante os anos que seguiron a aquela fatídica mañá, nos que a asistencia de Juan á Asociación de Dano Cerebral Sarela, en Santiago de Compostela, foi fundamental.
É unha historia de enfermidade, de sufrimento e de grandes retos... pero tamén de superación e de resiliencia; unha historia escrita con total sinceridade, que nos mostra que a vida pode ser moi dura, pero que sempre paga a pena vivila.
