A vida do profesor de debuxo Walter Hartright cambia para sempre cando viaxa de Londres até Cumberland para darlles clases a Laura Fairlie e Mariam Halcombe. A casualidade farao partícipe dun misterio do pasado que marcará o seu presente. Unha das grandes novelas populares do século XIX, éxito absoluto desde a súa publicación, con tintes de novela romántica, historia de intriga e xénero negro. Unha galería de personaxes inesquecibles que converteu a Wilkie Collins nun dos autores británicos máis importantes da historia.
