No centenario do nacemento do mestre gaiteiro Ricardo Portela (Viascón, 1920-1992), o Consello da Cultura Galega presentou a obra Ricardo Portela. De gaiteiro a gaiteiro. Vivencias, transcricións e análise poñendo a disposición pública os segredos do mestre, por vontade do autor e coa xenerosa intervención de Carlos Núñez. Este último, ademáis dos apontamentos biográficos, fai unha análise pormenorizada das claves do estilo e técnica interpretativa do mestre de Viascón.
Esta nova versión da publicación ofrece agora as transcricións do repertorio en sistema RE, para achegar as melodías máis emblemáticas de Ricardo Portela ao público gaiteiro dos Países Celtas.
