Na metade dos anos cincuenta unha aventureira británica desembarca nun porto galego á percura de novas experiencias. Nina Epton non sabía que ía facer a máis fantástica crónica de viaxes por Galicia, un país a medio camiño entre o pasado e a necesidade de ter futuro. Coñeceu e tratou a ilustre xeración sobrevivente do Partido Galeguista, interpretou a xente do país como ninguén, entrou na paisaxe, nas texturas e nas cores. No principio e no final desta obra deixou escrito: "moito do feitizo de Galicia é indescriptible".