É precisamente cando a memoria está en perigo cando máis necesidade temos de lembrar. Por esta razón, esta serie de relatos en ´A carón da máquina´ vainos axudar a escoitar o murmurio insistente do pasado, a lembralo e restituílo. Malia termos unha clara protagonista, Teresiña, e a historia da súa infancia na Galicia labrega da época franquista, así como da loita diaria da súa familia por saír adiante nunha aldea da provincia de Pontevedra, estas narracións van alén da experiencia individual, polo que o público lector recoñecerá situacións e acontecementos que ou ben viviu ou ben oíu contar, xa que este libro trata tamén da historia e a memoria colectivas
