Este disco é un recoñecemento a todas as persoas que, integradas en sucesivos equipos, participaron en maior ou menor medida no proxecto que hoxe en día constitúe Cholo e Nela, Cholo un globo do País da Fantasía e Nela unha pinga de auga do río Sil. Un proxecto de plena actualidade nas bisbarras do oriente ourensán e que quere darse a coñecer noutras partes da nosa xeografía. Un proxecto que pon en valor o idioma, a nosa lingua, o galego, como canle acaída e normalizada para imaxinar e descubrir e para achegármonos a outras linguas e culturas.
