Divida en dúas partes ben diferenciadas, Memorias dun expósito e Aldo Polo en Santiago, esta novela intérnase de novo na Galicia do século XVII da man de inquisidores, intelectuais, exorcizados, pintores célebres e xentes do común. Mediante unha linguaxe que recrea os modos retóricos da época, o autor vai desvelando un mundo tenso e conflitivo que asiste a unha encarnizada batalla entre un poder despótico, sustentado na superstición e no medo, e unha razón que demanda a liberdade espiritual como condición indispensable para o seu desenvolvemento.
