Unha sombra escura rompe a tranquilidade da noite en Penagrande coma unha aparición que viñese do Outro Mundo e a brisa comeza a sacudilo todo. Nese intre, un prolongado e agudo sesear cae baixo as árbores. Parece unha chamada, ou quizais unha queixa que se expande axiña pola aldea. De súpero, uns berros inesperados estoupan coma estralos na torre da auga. O pobo enteiro permanece á espreita, sen voz, atemorizado. Por que eses sons asustan tanto a veciñanza? Por que din que anuncia unha traxedia? Diego e Paula non se deterán ata atoparen as respostas e descubriren un dos seres máis fascinantes da noite: unha pantasma branca.
