A pequena Oli nunca saíu do castelo dos ratos, pero soña con vivir aventuras coma as do gran Rato Pérez.
O rato Pérez está canso, o seu traballo é difícil e moi esixente, todos os días ten que recoller miles de dentes de nenos e nenas a cambio dun agasallo. Decidiu que chegou a hora de ceder o seu posto e busca alguén que o substitúa cunhas características moi particulares: ten que ser un pouco equilibrista, cantante, case invisible e ter bo olfacto.
Preséntanse varios candidatos e, entre eles, a ratiña Oli, pero o seu pai cre que é demasiado arriscado e non deixa que participe nas probas de selección. Oli está moi triste. Poderá cumprir o seu soño?
Un libro sobre perseguir os soños, sen importar se es pequena ou grande ou o que pensen os demais.
