Nun Madrid futuro no que todo se guía polas valoracións externas e o perfeccionismo, Camilla cre encontrar no curso en liña Quererte.com a solución aos seus problemas. Pero foi vítima dunha estafa? Quen é o outro usuario da conversa ao que semella que tamén enganaron? Por se fose pouco, tócalle compartir equipo nun concurso literario coa rapaza da que está namorada en segredo, un evento familiar pon a súa vida patas arriba e a relación cos seus pais pasa por unha fonda crise. Unha historia de amor en todas as súas facetas, empezando polo amor propio.
