ED. ANGEL BASANTA / COCHO, FEDERICO / VIVANCO, LEÓN T.
Autor de milleiros de artigos, relatos curtos e novelas, Carlos G. Reigosa deixou en todos eles a pegada da súa paixón de pescudar e contar aquilo que esperta a súa curiosade pola vida e pola procura da verdade. O presente volume de ensaios, editado por Ángel Basanta, constitúe o primeiro achegamento sistemático tanto a súa obra literaria como a súa traxectoria biográfica e profesional. Así, Ángel Basanta analiza no primeiro o conxunto da obra literaria no ensaio ?Carlos G. Reigosa: Paixón por saber e arte de contar?; Federico Cocho debulla no segundo as ?Circunstancias xornalísticas de Reigosa?; e León T. Vivanco proporciona no derradeiro, ?Bibliografía e pico?, unha documentada cronobiografía enriquecida por un valioso apartado fotográfico. Un libro indispensable para profundizar no coñecemento dunha das figuras cimeiras da literatura galega das tres últimas décadas. Un volume, tamén, que abre a serie ?Estudos Literarios? coa que Xerais pretende abordar a publicación de traballos sobre a obra de autores e autoras contemporáneos.
